Deputetja nga radhët e PDK-së Ariana Musliu Shoshi, ka vazhduar kritikat në adresë të kryeministrit Albin Kurti. Musliu Shoshi ka thënë se veq me Albinin ndodh qe me qenë kryeministër i një shteti pa fuqi ekonomike e ushtarake dhe pa ndikim politik, me gjetë motive me u pëzi në çdo vend që mban zgjedhje parlamentare e presidenciale, prej Shqipërisë deri në SHBA.
“Veç me Albinin ndodh me qenë kryeminister i një shteti pa fuqi ekonomike, ushtarake, pa ndikim politik me gjetë motiv e kohë me u përzi në çdo vend që mban zgjedhje parlamentare a presidenciale, prej Shqipërisë e deri në SHBA. Merru me punët tua e lëre Zvicrën se ata i kanë ndreq punët e veta!”, ka shkruar Musliu Shoshi në Facebook.
Ndryshe, bashkëpunimi i kryeministri të Kosovës Albin Kurti, me Partinë Socialdemokrate të Cedric Wermuth, nuk po pëlqehet në Zvicër. Sipas mediave zvicrane, një panel diskutimi i organizuar nga Partia Socialdemokrate zvicerane në të cilin pritet të marrë pjesë kryeministri, Albin Kurti gjatë shtatorit, ka nxitur reagime atje, meqë në Zvicër do të mbahen zgjedhjet në tetor.