Banorët e Shipitullës së Obiliqit përsëri kanë dal për të protestuar lidhur me shpronësimin e tokave nga Korporata Energjetike e Kosovës.
Banorët po kërkojnë një takim me bordin e KEK-ut. Njëri nga banorët protestues ka thënë për IndeksOnline se kanë dërguar kërkesa të shumta për takim mirëpo asnjëherë nuk janë marrë parasysh.
Javën e kaluar KEK ishte deklaruar për këtë protestë, ku sipas njoftimit thuhet se përvetësimi i tokës për nevoja xehetare nga KEK bëhet vetëm bazuar në Planin Kryesor Xehetar dhe në legjislacionin në fuqi, përfshirë Kornizën e Politikave të Zhvendosjes (KPZH), Ligjin për Shpronësimin e Pronës së Paluajtshme në Kosovë dhe Ligjin për Miniera dhe Minerale (LMM).
Sipas KEK-ut kjo çështje është përtej kompetencave dhe interesit të ndërmarrjes.