Kryeministri i Kosovës Albin Kurti ka konfirmuar vendimin për ndryshimin e masës së sigurisë për produktet e importuara nga Serbia përmes pikës kufitare në Merdar.
Kurti ka thënë se vendimi është ndërruar nga qarkullimi i kufizuar në kontroll të shtuar, vetëm në këtë pikë kontrolli derisa të vijnë skanerët të cilët do të vendosen dhe në pika tjera kufitare..
“Sot MPB-ja i ka shkruar drejtorit të doganave. Kosova e ka ndërruar masën e sigurisë, nga qarkullimi i kufizuar te kontrolli i shtuar, në një pikë kufitare. Ne po e bëjmë këtë ndryshim, derisa të na vijnë skanerin të cilët do të vendosen në të gjitha pikat. Derisa të na vijnë skanerët ne hapin një pikë kufitare, që do ta ketë kontroll të shtuar”, ka thënë Kurti.