Azerbajxhan Airlines ka njoftuar mëngjesin e sotëm rrëzimin e avionit Embraer 190 që po fluturonte nga kryeqyteti i Azerbajxhanit Baku për në Grozny, kryeqyteti i Çeçenisë ruse.
Aeroplani u detyrua të bënte një ulje emergjente rreth tre kilometra nga qyteti i Kazakistanit Aktau në brigjet e Liqenit Kaspik.
Dyshimet janë se aeroplani mund të kishte defekt si pasojë e përplasjes ajrore me zogjë, që kanë ndikuar në prishjen e motorit të tij, shkruan Indeksonline.
Aeroplani po transportonte 62 pasagjerë dhe pesë anëtarë të ekuipazhit nga Azerbajxhani në Rusi ndërsa është bërë e ditur se 32 persona kanë mbijetuar.
Ka pasur spekulime se aeroportet në atë pjesë të Rusisë janë mbyllur për shkak të sulmit me dron, i cili ka ndodhur mëngjesin e së mërkurës.
Kjo do të thotë se aeroporti më i afërt ku avioni mund të bënte një ulje emergjente ishte i mbyllur.