Raportet në Itali dhe Francë theksojnë se Napoli është në kontakt me agjentin e anësorit kosovar, Edon Zhegrova, për mundësinë e një transferimi në Stadio Maradona, si zëvendësues i Khvicha Kvaratskhelia, ndërkohë që diskutimet për Alejandro Garnacho të Manchester United vazhdojnë.
Sipas ekspertit të transferimeve të Sky Sport, Florian Plettenberg, si dhe Le Parisien dhe CalcioNapoli.it, Partenopei janë në kontakt me përfaqësuesit e Zhegrovës, por Lille aktualisht nuk dëshiron ta lejojë 25-vjeçarin të largohet në janar.
Le Parisien, i cituar nga CalcioNapoli, pohon se tashmë ekziston një marrëveshje personale me Zhegrovën, por ende mbetet një hendek për t’u mbyllur midis dy klubeve.
Situata është e ngjashme për Napolin dhe Garnacho-n, i cili raportohet se ka rënë dakord për kushtet personale me Partenopei, por ekziston ende një diferencë e konsiderueshme në vlerësimin që kanë dy klubet.
Skuadra e Antonio Contes po kërkon aktivisht një anësor të ri për ta shtuar në radhët e tyre këtë muaj, pas largimit të Kvaratskhelias drejt Paris Saint-Germain.
Gjeorgjiani tashmë është larguar nga Napoli dhe pritet të përfundojë zyrtarisht transferimin te PSG në ditët në vijim.
Napoli have a concrete interest in Edon #Zhegrova. Talks with his top agent, Hasan Cetinkaya, are ongoing. Napoli are also in contact with Lille.
Currently, Lille is blocking a transfer. However, Zhegrova is very open to the move. 25 y/o winger is under contract until 2026.… pic.twitter.com/KjNPUq8zJm
— Florian Plettenberg (@Plettigoal) January 15, 2025