Kryetari i Komunës së Skenderajt, Bekim Jashari, dje ka bërë të ditur se do të rikandidojë përsëri për kryetar të kësaj komune në zgjedhjet 17 tetorit.
Ai ka thënë se ka vendosmëri për t’i shërbyer qytetarëve edhe për katër vitet e ardhshme.
Menjëherë pas tij, edhe Sami Lushtaku ka paralajmëruar se nesër do ta shpallë kandidaturën për kryetar të Komunës së Skenderajt në kuadër të Partisë Demokratike të Kosovës (PDK).
E, në këto momente Jashari si përgjigje ndaj Lushtakut përmes një shkrimi në Facebook ka thënë se me të rinjtë do ta bëjë ndryshimin, duke bërë me dije se edhe një mandat synon fuqishëm ta udhëheq këtë komunë.
Ja shkrimi i tij:
Të bashkuar, me angazhim maksimal në shërbim të kauzës sonë, zhvillim ekonomik e mirëqenie për të gjithë!
Të rinjtë bëjnë ndryshimin!