Tarifat e reja të energjisë elektrike që janë miratuar dje nga Zyra e Rregullatorit për Energji, do të hyjnë në fuqi nga sot. Këto tarifa do të aplikohen deri më 31 mars të vitit të ardhshëm, raporton Express.
Me miratimin e këtyre tarifave, konsumatorët që shpenzojnë mbi 800 kËh energji do të përballen me shtrenjtim të energjisë.
Këta konsumatorë do të duhet të paguajnë 5.9 centë për tarifën e ultë dhe 12.52 centë për tarifën e lartë.
Ata që do të shpenzojnë energji elektrike deri në 800 kËH nuk do të faturohen me çmimin e ri, derisa ata që e kalojnë 800 kËh, me çmimin e ri do t’iu llogaritet vetëm sasia e harxhuar mbi këtë vlerë.
Kryeministri, Albin Kurti ka shpërndarë një fotografi ku jipen shembuj të konsumatorëve duke krahasuar faturat me tarifa të kaluara dhe ato të reja.
