Kryeministri Albni Kurti po shoqërohet nga presidentja Vjosa Osmani, në konferencën për media të thirrur pas kthimit të tyre nga vizita në Shtetet e Bashkuara.
Përveç detajeve mbi takimin me sekretarin Blinken dhe nënshkrimin e marrveshjes me MCC-në, Kurti ka folur edhe për dialogun me Serbinë, duke treguar se një takim ishte thirrur për 19 korrik, por që Serbia nuk u përgjigj pozitivisht ndaj kësaj thirrjeje.
“Më 19 korrik është dashur të mbahet takimi në Bruksel. Kosova ka qenë e gatshme por Beogradit i mungonte gatishmëria. Une jam kryeministër i shpreses dhe progresit. Presidenti i Serbisë po shfaqet si president i frikës dhe kërcënimit” ka deklaruar Kurti.
Ai ka thënë gjithashtu se marrëdhëniet me Serbinë nuk janë normale, dhe se synim është që të arrihet fqinjësi e mirë, evropiane, duke parë nga e ardhmja dhe duke pranuar të kaluarën.