Në shënimin e 15 vjetorit të pavarësisë së Kosovës, para Teatrit Kombëtar në kryeqytet, janë ndezur 1133 qirinjë, numër ky që simbolizion numrin e fëmijeve të vrarë gjatë luftës. Shumë fëmijë janë mbledhur para Teatrit Kombëtar për t’i kujtuar fëmijet e vrarë.
Në këtë ceremoni të pranishëm ishin dhe presidentja eKosovës Vjosa Osmani, kryeministri Albin Kurti si dhe kryetari i Kuvendit Glauk Konjufca.
Kryeministri Kurti u tha fëmijëve të pranishëm se sakrifica e popullit është e madhe dhe se plagët e luftës janë të thella, por se gëzimin dhe lumturinë e fëmijeve s’ka pikëllim që e mund.
“Shpresë jeni ju fëmijet e Kosovës. Ju po e mbani nga nië qiri në duart tuaja në këtë buzëmrëmje. Janë 1133 qirnj, sepse secili prej tyre tregon për një fëmijë që është vrarë gjatë luftës dhe nuk është në mesin tonë. Ne ata do t’i kujtojmë dhe kurrë s’do t’i harrojmë. Sakrifica e popullit tonë është e madhe plagët e luftës janë të tella. Por gëzimin dhe lumturinë tuaj nuk ka pikëllim që e mund”, tha Kurti.