Ambasadori i Gjermanisë, Jorn Rohde, ka dënuar djegien e veturave me tabelat RKS në veri të vendit.
Ai ka thënë se dhuna nuk është opsion asnjëherë, ndërkohë ka mbështetur deklaratën e ambasadorit të BE-së, Tomas Szunyog, i cili i quajti këto veprime të papranueshme.
“Pajtohem plotësisht [me deklaratën e Szunyogut]. Dhuna nuk është kurrë opsion! Kam besim të plotë se autoritetet e Kosovës do t’i hetojnë rastet thellësisht dhe do t’i sjellin përgjegjësit para drejtësisë”, ka shkruar ai në Twitter.
Më 30 mars në Zubin Potok u dogjën fillimisht dy vetura me targa RKS. Pronarët e tyre në polici kanë thënë se i kishin regjistruar një javë më parë dhe se në kohën e djegien ishin të parkuara poshtë shtëpive ku jetonin.
Më 31 mars janë djegur edhe tri vetura të tjera të qytetarëve të nacionalitetit serb, të cilat ishin të parkuara – njëra në Zveçan dhe dy në veri të Mitrovicës. Edhe këto kishin targat me riregjistrimin RKS