Kryeministri i Malit të Zi, Dritan Abazoviq, është duke qëndruar për vizitë zyrtare në Kosovë.
Ai ditën ka nisur me takimin me homologun e tij, Albin Kurti, në të cilin takim u nënshkrua marrëveshja për shfrytëzim të hapësirës ajrore mes dy shteteve.
Abazoviq më pas u takua me kryetarin e PDK-së, Memli Krasniqin, takim ky i cili u pasua me atë me kryetarin e LDK-së, Lumir Abdixhiku.
Në zyrën qendrore të LDK-së, Abazoviq mbërriti nën siguri të lartë, ku u prit nga Abdixhiku dhe Kryesia e LDK-së.
Kryeministri i Malit të Zi nuk hezitoi të përmend edhe ish-presidentin e ndjerë, Ibrahim Rugovën.
“Pata rastin të takoj familjen e presidentit historik, Dr. Ibrahim Rugova. Me të vërtetë prej tanë takimeve zyrtare, ndoshta ai kishte peshë të madhe” tha Abazoviq.
Pas këtij takimi, ai do të takohet edhe me të parin e AAK-së, Ramush Haradinaj, për të vijuar pastaj agjendën e takimeve me disa ministra të Qeverisë dhe vizita të tjera.