Gjykata e Apelit ka marr vendim që të lë në paraburgim ish-kryeshefin e KEK-ut, Nagip Krasniqin.
Avokati i tij, Virtyt Ibrahimaga e ka pranuar sot këtë vendim të cilin edhe e ka kontestuar. Sipas tij, aktvendimi është i pa-nënshkruar nga gjyqtari i shenuar, kurse data e vendimit është me 05.05.2023.
“Sapo pranova aktvendimin e Gjykatës së Apelit në rastin e z. Nagip Krasniqi përmes postës elektronike.
Aktvendimi është I pa-nënshkruar nga gjyqtari i shenuar, kurse data e vendimit është me 05.05.2023.
Ankesa e mbrotjes është berë me datë 22.04.2023. Gjykata e Aplelit duhet të vendosë brenda 72 oresh, pasi te kete pranuar pergjigjjen e prokurise, e cila duhet të pergjigjet brenda 24 oreve. Pra Gjykata e Apelit është dashur që të nxjerrë vendimin me se voni deri me datën 27 Prill 2023. Sot eshte data 08 Maj 2023.
Gjykata ne Apelit, ashtu sikur edhe Gjykata Themelore i beson prokurorise ne fjalë të saj, sa i perket pretendimit për dyshimin e bazuar për vepër penale. Prokuroria nuk i ka dorëzuar gjykatës dhe mbrotjës asnjë provë të vetme lidhur me kete rast. Neni 184 i Kodit të Procedurës Penale të Kosovës, lidhur me caktimin e paraburgimit kërkon eksiistimin e dyshimit te bazuar për kryerjen e veprës penale. Kurse Gjykata Themelore dhe ajo e Apelit bazueshmërine për paraburgim si duket e mbeshtesin në pretendimet e prokurorise, pa passer nevoje per t’i shqyrtuar provat.
Neni 9 i Kodit të Procedurës Penale përcakton së në procedure penale, palët janë të barabarta para gjykatës. Per gjykatat në këtë rast si duket kjo nuk vlen, sepse gjykatat i besojnë prokurorisë ne fjalë sa i përket pretendimeve të saj. Mirë se vini në shtetin ku garantohet ndarja e pushteteve dhe zhvillimi i procedurave të paanëshme dhe objektive!
Sa i përket masës së paraburgimit, Gjykata e Apelit konsideron se Nagip Kransiqi duhet të qendroj gjithësesi në paraburgim, sepse mund të ndikoj tek 5 dëshmitare. Cilët deshmitarë nuk janë intervistuar deri me tani, gjykates si duket nuk i intereson. Megjithatë fakt është se te gjithë deshmitarët të cilët prokuroria i ka emëruar në propozimin e saj janë intervistuar nga hetuesia, muaj më parë dhe pas intervistimin kanë vazhduar të punonjë ne të njejtën korporate ku Nagip Krasniqi ka qenë epror i tyre, pa asnje ndikim. Kurse masat e tjera si arresti shtepiak nuk po e parandalojkan ndikimin e deshmitarëve. Sipas kesaj logjike, secili i i dyshuar në të ardhmen, i cili sipas pretendimit të prokurorise, pa mbeshtetje ne ndonjë provë asnjë- dëshmi të dorezuar dyshohet për vepër penale duhet të dergohet në paraburgim deri sa prokuroria të perfundoj hetimet” shkruan avokati Ibrahimaga në reagim.