Sot, në ambientet e Federatës së Futbollit të Kosovës në Prishtinë, u mbajt kuvendi i rregullt i punës, ku pjesëmarrës ishin 49 delegatë, derisa me pjesëmarrje kuvendin e nderuan edhe Marco Ferri, përfaqësues i FIFA-s, Denis Bastari, përfaqësues i UEFA-s, Lutfi Nuriu e Ilir Shulku, përfaqësues të FSHF-së dhe Musa Selimi, përfaqësues i KOK-ut.
Kuvendi u drejtua nga presidenti i FFK-së, Agim Ademi, i cili në fjalën e tij përshëndetëse theksoi progresin e arritur nga federata në zhvillimin e futbollit kosovar, si dhe sfidat që e presin për të ardhmen.
Postimi i plotë:
“Sot mbajtëm me sukses kuvendin e rregullt të punës së Federatës së Futbollit. Falënderoj nga zemra të gjithë kuvendarët për qytetarinë e treguar dhe vizionin e përbashkët drejt zhvillimit të futbollit tonë.
“Një falënderim i veçantë shkon për përfaqësuesin e FIFA-s, Marco Ferri, dhe atë të UEFA-s, Denis Bastari, të cilët, në cilësinë e monitoruesve, e vlerësuan lart kuvendin tonë, duke e quajtur modern dhe duke lavdëruar unanimitetin e të gjithë anëtarëve.
“Faleminderit edhe Musa Selimit nga KOK-u si dhe Ilir Shulkut e Lutfi Nuriut nga FSHF-ja, të cilët ishin sot pjesë e kuvendit tonë.
“Gjithashtu, mirënjohje për klubet, investitorët dhe të gjithë ata që kontribuojnë në avancimin e futbollit në vendin tonë. Së bashku po ndërtojmë një të ardhme edhe më të ndritur për futbollin tonë!
“Vazhdojmë me krenari dhe përgjegjësi”