Ka nisur mbledhja e Këshillit të Sigurisë Kombëtare për të diskutuar lidhur me situatën e sigurisë në vendin tonë.
Mbledhja vjen pas situatës në Ukrainë, teksa atje sot u shpall gjendje e jashtëzakonshme, raporton Indeksonline.
Ndryshe, mbledhjen e sotme për Indeksonline e ka konfirmuar Bekim Kupina, këshilltar për media në Presidencën e Kosovës.
Këshilli i Sigurisë së Kosovës përbëhet nga kryeministri, zëvendëkryeministrat, ministri i Punëve të Jashtme, ministri i Mbrojtjes, ministri i Drejtësisë, ministri i Brendshëm, Ministri i Ekonomisë dhe Ministri për Kthim dhe Komunitete.