Personi që dyshohet se e ka shkaktuar një aksident trafiku në Ditën e Pavarësisë në Mitrovicë të Veriut dhe ka ikur nga vendi i ngjarjes, është identifikuar dhe arrestuar të enjten.
Në njoftimin e Policisë thuhet se aksidenti ka ndodhur saktësisht në rrugën Mitrovicë-Jarinjë, në fshatin Dren.
“Pas hetimeve dhe verifikimeve profesionale të kryera nga zyrtarët policorë, është identifikuar i dyshuari D.V., i lindur në vitin 1972 i cili është intervistuar në lidhje me aksidentin dhe largimin nga vendi i ngjarjes. Rasti është proceduar sipas procedurës së rregullt dhe i njëjti është dërguar në Gjykatën për Kundërvajtje”, thuhet në raportin policor.
Tutje bëhet e ditur se i dyshuari ka qenë duke drejtuar automjetin nën masën e shqiptuar për ndalimin e ngasjes së automjeteve.
“Për këtë arsye, ndaj tij është shqiptuar kundërvajtje sipas Ligjit të Trafikut Rrugor”, thuhet tutje në njoftim.