Ministri i Mbrojtjes, Ejup Maqedonci, mirëpriti në takim ambasadorin e ri të Mbretërisë së Bashkuar në Kosovë, Jonathan Hargreaves.
Ministri i Mbrojtjes, Ejup Maqedonci, mirëpriti në takim ambasadorin e ri të Mbretërisë së Bashkuar në Kosovë, Jonathan Hargreaves, të cilin e falënderoi për mbështetjen e vazhdueshme që Mbretëria e Bashkuar i ka dhënë vendit, në të gjitha etapat e shtet ndërtimit.
Në njoftimin e Ministrisë së Mbrojtjes thuhet se në takim u bisedua lidhur me temat që kanë të bëjnë me çështjen e sigurisë në vend”.
“Si dhe për operacionin Interflex dhe bashkëpunimin e deritanishëm në fushën ushtarake në përgjithësi, që në aspektin strategjik ka rol unik për stabilitetin, sigurinë dhe perspektivën euroatlantike të vendit dhe gjithë rajonit”.
Të dyja palët rikonfirmuan vazhdimin e marrëdhënieve të shkëlqyera në mes të të dyja vendeve.