Kuvendi i Republikës së Kosovës gjatë sesionit pranveror ka vijuar punën e tij konform funksioneve kushtetuese, duke miratuar ligje, rezoluta, deklarata, rekomandime si dhe duke trajtuar çështje e problematika me interes qytetar.
Sipas njoftimit është bërë e ditur se gjatë këtij sesioni pranveror Kuvendi ka mbajtur gjithsej 22 seanca, gjatë të cilave ka miratuar 36 ligje, përfshirë këtu marrëveshjet ndërkombëtare.
Po ashtu Kuvendi ka miratuar shtatë rezoluta, gjashtë rekomandime, një deklaratë dhe një statut.
Më tutje është bërë e ditur se Kuvendi ka adresuar 110 pyetje për anëtarë të kabinetit qeveritar.
Është bërë e ditur se janë mbajtur gjithashtu 12 mbledhje të Kryesisë, në të cilat janë marrë 138 vendime, janë nxjerrë 17 përfundime dhe janë miratuar tri rregullore të brendshme.
Komisionet parlamentare kanë mbajtur gjithsej 185 mbledhje, duke u propozuar seancës për shqyrtim 43 projektligje dhe 736 amendamente. Komisionet parlamentare kanë shqyrtuar gjithashtu 15 raporte të institucioneve të pavarura