Presidentja e vendit, Vjosa Osmani po e përfaqëson Kosovën në Samitin Ukrainë-Evropë Juglindore që po mbahet në Dubrovnik të Kroacisë.
Osmani ka publikuar disa fotografi në të cilat shihet bashkë me kryeministrin kroat Andrej Plenkoviq dhe presidentin e Ukrainës, Volodymyr Zelensky.
Osmani ka deklaruar se edhe një herë e ka shprehur përkrahjen e Kosovës për Ukrainën.
“Në Samitin e liderëve Ukrainë-Evropë Juglindore në Dubrovnik për ta riafirmuar mbështetjen për të drejtën e popullit ukrainas për të jetuar në liri”, ka shkruar Osmani në Facebook.