Deputeti i Partisë së Lirisë, Petrit Vasili, ka sulmuar ashpër kryeministrin Edi Rama gjatë fjalës së tij në parlament, duke e akuzuar për kapjen e institucioneve dhe centralizimin e pushtetit.
“Shqipëria ka sot një Ramë që ëndërron me sy hapur të jetë kryeministër, kryegjyqtar, kryeprokuror, kryerektor, kryeshkencëtar dhe kryekaragjoz,” u shpreh Vasili.
Sipas tij, qeverisja aktuale ka krijuar një sistem të mbushur me ndikime kriminale.
“Për shkak vetëm të tij kemi sot narkoshtet, narkodrejtësi, narkopolicë dhe narkoqeveri,” deklaroi deputeti i PL.