Sekretarja e shtypit e Shtëpisë së Bardhë, Jen Psaki, tha se nuk ka plane për një takim apo telefonatë mes presidentit amerikan Joe Biden dhe presidentit rus Vladimir Putin, duke thënë: “Tani nuk është momenti”.
“Ne nuk po planifikojmë një takim mes tyre, as veprim apo një telefonatë. Presidenti ka qenë shumë, shumë i qartë për këtë. Por ne do t’i kemi ato diskutime brenda dhe do të peshojmë gamën e faktorëve”, tha Psaki për CNN.
E pyetur nëse ka ndonjë situatë në të cilën Biden do të ulej me Putinin nëse trupat ruse mbeten në Ukrainë, Psaki tha: “Unë nuk mund të bëj një vlerësim për këtë … Tani për tani, ata po pushtojnë një vend sovran dhe po vazhdojnë të përshkallëzohet çdo ditë. Ne kurrë nuk do ta heqim diplomacinë nga tavolina, por përsëri, tani nuk është momenti për këtë.”
Psaki tha gjithashtu se administrata nuk ka “asnjë vlerësim” nëse po i afrohet ndalimit të importeve ruse.
E pyetur se cilat janë llogaritjet nëse Shtëpia e Bardhë do të ndalojë përfundimisht importet ruse, Psaki tha se ekziston një proces politikash, duke shtuar “ndonjëherë ato lëvizin me shpejtësi dhe shpesh ka një sërë faktorësh që diskutohen ndërsa merren ato vendime”.
Ajo nuk komentoi drejtpërdrejt qëllimet ruse për të marrë nën kontroll Kievin por vetëm tha se ato janë aspiratat e rusëve.