Gazetarët e kronikës së zezë në Shqipëri, Artan Hoxha dhe Elton Qyno, dolën nga objekti i SPAK-ut ku qëndruan për gati një orë.
Ata nuk dhanë ndonjë koment për arsyen e thirrjes apo për të konfirmuar lajmet e publikuara gjatë të hënës mbi masat e sigurisë ndaj tyre, raporton A2 CNN.
Në media dolën lajme për arrestimin e gazetarit Artan Hoxha dhe caktimit të masës detyrim paraqitje për Elton Qynon
A2 CNN raporton se ka pyetur SPAK-un për këtë por nuk ka marrë një përgjigje deri në momentin e publikimit të këtij artikulli.
Dy gazetarët e kronikës së zezë para se të futeshin në SPAK, ata pohuan se iu ishte bërë një kontroll në banesa gjatë ditës dhe iu ishin sekuestruar telefonat celularë.
“S’na kanë arrestuar akoma”, u degjua teksa tha Hoxha, përcjell Klankosova.tv.
Më herët, kryetari i Partisë Demokratike, Sali Berisha, i kërkoi SPAK-ut të heqë masën e sigurisë së dhënë ndaj gazetarit Elton Qyno, por jo për kolegun e tij, Artan Hoxha, të cilin e etiketoi si “anëtar i bandës Bajri-Gjoka, të PS”.