Enj. Pri 3rd, 2025

Sveçla takon sekretarin Lammy, flasin për bashkëpunimin në fushën e sigurisë

Ministri i Panëve të Brendshme Xhelal Sveçla, ka pritur në takim Sekretarin e Jashtëm të Mbretërisë së Bashkuar, z. David Lammy, me të cilin biseduan për fusha të përbashkëta të bashkëpunimit ndërmjet dy vendeve, me theks të veçantë për fushën e sigurisë.

“Me këtë rast ministri Sveçla e falënderoi Mbretërinë e Bashkuar për mbështetjen e vazhdueshme që kanë dhënë për Republikën e Kosovës në shumë etapa të shtet ndërtimit, ndërsa sa i përket sektorit të sigurisë ministri Sveçla theksoi se Mbretëria e Bashkuar është ndër partnerët strategjik, që vazhdon të mbështesë Kosovën në fushën e sigurisë”, thuhet në njoftimin e MPB-së.

Në këtë takim, ministri Sveçla theksoi se Institucionet e Kosovës janë dukë bërë përpjekje maksimale sa i përket luftimit të migracionit të pa rregull dhe për këtë, MPB ka ngritur trupa të veçantë që janë duke i ndjekur trendet më të fundit të migracionit, të cilët edhe janë duke marrë veprimet e nevojshme për të luftuar këtë dukuri.

Ndërsa Sekretari i Jashtëm të Mbretërisë së Bashkuar, z. David Lammy, vlerësoi progresin që është duke u bërë në Kosovë dhe më këtë rast, ritheksoi se mbështetjen e vazhdueshme të Qeverisë së Britanisë për Republikën Kosovës, sa i përket përforcimit të mekanizmave të sigurisë.

Gjatë kësaj vizite u prezantua donacioni i Mbretërisë së Bashkuar, pajisje për Kontrollin dhe Menaxhimin e kufirit shtetëror të Republikës së Kosovës, si dhe pajisje për Qendrën Kombëtare për Menaxhimin Kufitar.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *