Ministri i Shëndetësisë, Arben Vitia, ka thënë se buxheti i sivjetmë për Listën Esenciale të Barnave është 60 milionë euro e se listës i janë shtuar rreth 70 produkte të reja.
Kështu ka bërë të ditur ai në një konferencë për medie, bashkë me kryesuesin e grupit punues për hartimin e Listës Esenciale të Barnave, Driton Vela.
“Lista Esenciale e Barnave është zgjeruar për t’u mbuluar shtresat në nevojë. Janë shtuar afër 70 produkte të reja për trajtimin e sëmundjeve për qytetarë të cilët vuajnë nga sëmundjet kronike dhe për të zgjeruar mjekimin për ta”.
“Buxheti i paraparë sivjet është rreth 60 milionë euro, është një rritje e lehtë krahasuar me vitet paraprake”, tha tutje Vitia.